အသေးစိတ်ဆင်ခြင်သောနည်းစနစ်ဖြင့်
ကျမ်းစောင်တစ်စောင်ချင်းစီအားလေ့လာခြင်း
အသက်တာပြောင်းလဲခြင်း
အသေးစိတ်ဆင်ခြင်သောသမ္မာကျမ်းစာလေ့လာနည်းဖြင့်ကျမ်းစောင်တစ်ခုချင်းစီအားလေ့လာခြင်းသည် နှုတ်ကပတ်တော်သမ္မာကျမ်းစာမှ အသက်တာကိုပြောင်းလဲပေးနိုင်သည့်ဘုရားသခင်၏တန်ခိုးတော်ကို နားလည်၊ လိုက်လျှောက်၊ တွေ့ကြုံခံစားနိုင်ရန်အတွက် သင့်ကိုအထောက်အကူပေးမည့် ရိုးရှင်းသော၊ အခမဲ့ဖြစ်သော၊ ဒေါင်းလုပ်ကူးယူနိုင်သော အသေးစိတ်ဆင်ခြင်လေ့လာသောနည်းစနစ်ဖြင့်သမ္မာကျမ်းစာလေ့လာခြင်းအရင်းအမြစ်တစ်ခုဖြစ်ပါသည်။
အသေးစိတ်ဆင်ခြင်သောသမ္မာကျမ်းစာလေ့လာခြင်းနည်းစနစ်သည် သမ္မာကျမ်းစာကိုလေ့လာရန်အတွက် အထိရောက်ဆုံးသောနည်း စနစ်များအထဲမှတစ်ခုဖြစ်ခဲ့ပါသည်။ ထိုအတွက်ကြောင့် မြောက်များစွာသောလူများသမ္မာကျမ်းစာလေ့လာနိုင်ရန် အသေးစိတ်ဆင်ခြင် သောနည်းဖြင့်သမ္မာကျမ်းစာလေ့လာခြင်းစာအုပ်များကိုထုတ်လုပ်ထားကြောင်း အလွန်နှစ်သက်ဝမ်းသာခြင်းဖြင့်ထောက်ခံအပ်ပါ သည်။
- Loren Cunningham
Founder of Youth With A Missionကျွန်တော်တို့အားလုံး သမ္မာကျမ်းစာကို လေ့လာလိုတဲ့စိတ်ဆန္ဒရှိကြပါတယ်။ သမ္မာကျမ်းစာကိုလေ့လာဖို့လိုတယ်ဆိုတာကိုလည်း ကျွန်တော်တို့အားလုံးသိရှိကြပါတယ်။ အရေးကြီးတဲ့မေးခွန်းတစ်ခုကတော့ “ဘယ်လိုလေ့လာမလဲ”၊ “ဘယ်လိုနည်းလမ်းနဲ့အစပြုပြီးဘယ်လိုဆက်လက်လေ့လာသွားမလဲ” ဆိုတာဘဲဖြစ်ပါတယ်။ ကျမ်းစောင်တစ်အုပ်ချင်းစီကို အသေးစိတ်ဆင်ခြင်သောနည်းစနစ်ဖြင့်လေ့လာသော ဤလက်စွဲစာအုပ်များသည် ကျွန်တော်တို့ဘဝအသက်တာ တစ်လျောက်လုံး သမ္မာကျမ်းစာလေ့လာခြင်းကို ပြုလုပ်သွားနိုင်ရန်အတွက် ကူညီပေးသော ကျမ်းစာလေ့လာခြင်းနည်းလမ်း၊ တန်ဆာပလတစ်ခုဖြစ်ပါသည်။ ဘုရားသခင်၏နှုတ်ကပတ်တော်ထဲ၌ သင့်အားစောင့်မျှော်နေသော အဖိုးတန်ရတနာများကို သင်ကိုယ်တိုင်ရှာဖွေတူးဖော်လိုက်ပါ။
- Dr. Ron & Judy Smith
Co-founders, School of Biblical Studies, Youth With A Missionသမ္မာကျမ်းစာလေ့လာခြင်းချဉ်းကပ်ပုံ
ဤစာအုပ်သည်သမ္မာကျမ်းစာထဲမှကျမ်းစောင်တစ်ခုချင်းစီကိုလေ့လာနိုင်ရန်အတွက် လမ်းညွှန်မှုပေးသည့်စာအုပ်အတွဲများအထဲ မှတစ်အုပ်ဖြစ်ပါသည်။ ဤစာအုပ်အတွဲများ၏ထူးခြားချက်မှာ အသေးစိတ်ဆင်ခြင်နည်း(inductive)ကိုအသုံးပြုခြင်းဖြစ်ပြီး ရိုးရှင်းသော ဦးတည်ချက်(၇)ခုဖြင့်သမ္မာကျမ်းစာကိုသမ္မာကျမ်းစာကဖွင့်ပြပြောဆိုစေခြင်းဖြစ်သည်။ ဤစာအုပ်သည်သမ္မာကျမ်းစာလေ့လာရန် စာအုပ်စာပေအရင်းအမြစ်အလွန်ရှားပါးသောတိုင်းပြည်တစ်ခုရှိ အသင်းတော်အဖွဲ့အစည်းများ၏တောင်းဆိုမှုအရဖြစ်ပေါ်လာခြင်း ဖြစ်ပြီး အင်္ဂ လိပ် စာမတတ်သူများအတွက်ကျမ်းစာလေ့လာရန် အလွန်ရှားပါးသောအရင်းအမြစ်များထဲမှတစ်ခုဖြစ်ပါသည်။ ကျမ်းစောင်တစ်အုပ်ချင်းစီကိုဂရုတစိုက်ဖြင့်တည်းဖြတ်ခြင်း၊ စမ်းသပ်ခြင်းများလုပ်ဆောင်ခဲ့သကဲ့သို့ အုပ်စုလိုက်လေ့လာသောအ နေအထားများတွင်လည်းအသုံးပြုခဲ့ပြီးဖြစ်ပါသည်။ ဤစာအုပ်အတွင်းပါဝင်သောအကြောင်းအရာများကိုလေ့လာသူအားလုံး လွယ်ကူစွာဖတ်ရှုနားလည်စေရန်အတွက် ဝေါဟာရများကိုအထူးရွေးချယ်အသုံးပြုထားပါသည်။ အရေးအကြီးဆုံးမှာ ဤစာအုပ် ၏ရည်မှန်းချက်သည် သမ္မာကျမ်းစာကိုလေ့လာခြင်း၏အသီးအပွင့်များကိုဖော်ထုတ်သည့် အသက်တာပြောင်းလဲရန်လက်တွေ့ လိုက်လျှောက်ခြင်းဟူသောဦးတည်ချက်(၇)ချက်ဖြစ်သည်။
အခြားသမ္မာကျမ်းစာအသေးစိတ်ဆင်ခြင်နည်းချဉ်းကပ်ပုံများအတွက်ဤနေရာကိုနှိပ်ပါ
ဤစာအုပ်များဖြစ်တည်လာမှုဇာတ်လမ်း
ဤကဲ့သို့သမ္မာကျမ်းစာလေ့လာခြင်း စာအုပ်တွဲများဖြစ်ပေါ်လာရခြင်းမှာ ဘုရားသခင်၏စကားသံကို ကြားလျက် ကိုယ်တော်နောက်လိုက်ကာတိုင်းနိုင်ငံများသို့သွားရောက်အမှုတော်ဆောင်ကြသောလူများ၏ဖြစ်ရပ်မှန်အကြောင်းအရာများကြောင့်ဖြစ်သည်။ ကနေဒါနိုင်ငံ Alberta ရှိ YWAM Turner Valley ဟုခေါ်သော ဝိုင်ဝမ် (YWAM) သာသနာလုပ်ငန်းတစ်ခုမှအစပြုခဲ့ခြင်းဖြစ်သည်။ ခရစ်တော်အကြောင်းမကြားရသေးသောသူများအတွက်ဆုတောင်းပေးခြင်းသာမက ထိုအချိန်က ဝိုင်ဝမ်၏ ဥက္ကဌကြီးဖြစ်သော ဂျင်စတီယာ (Jim Stier) က ခရစ်တော်အကြောင်းမကြားရသေးသော လူအုပ်စုများထံအခြေချနေထိုင်ပါ၊ တိုင်းနိုင်ငံများသို့သွားပါဟူ၍ ဝိုင်ဝမ်အမှုတော်ဆောင်များကို အားပေးခဲ့ခြင်းကြောင့်လည်းဖြစ်ပါသည်။ ထိုသို့ဆုတောင်းခြင်းအားဖြင့် သန့်ရှင်းသောဝိညာဉ်တော် ၏ဦးဆောင်မှုအတိုင်း မြန်မာနိုင်ငံ၊ ရှမ်းပြည်နယ် (အရှေ့ပိုင်း) သို့သွားရန် လူတစ်စုအား ခွန်အားပေးခြင်းခံရပြီး လွန်ခဲ့သောနှစ် (၂၀) မှ စ၍ ရှမ်းနှစ်ခြင်းခရစ်ယာန်အဖွဲ့ချုပ်နှင့် မိတ်ဖွဲ့ခြင်းကို အစပြုခဲ့ကြပါသည်။ စတင်မိတ်ဖွဲ့ပြီး (၁၀)နှစ်အကြာတွင်အသင်းတော်များအတွင်း၌ တပည့်တော်စစ်များ ပေါ်ပေါက် လာရေးနှင့် ရှမ်းပြည်နယ်အရှေ့ပိုင်းရှိ အသင်းတော်များအတွင်း သမ္မာတရားနှင့်ညီသော ယဉ်ကျေးမှုများကို ကြံဆဖော်ထုတ်ရာ၌အစေခံပေးဖို့ရန်အတွက် ရှမ်းနှစ်ခြင်းခရစ်ယာန်အဖွဲ့ချုပ်၏ ဖိတ်ခေါ်မှုဖြင့်ကနေဒါနိုင်ငံမှ ဝိုင်ဝင်(မ်)အမှုတော်ဆောင် အချို့တို့သည် စတင်၍သူတို့နိုင်ငံမှ ထွက်ခွါလာခဲ့ကြပါသည်။
အခြားနောက်ခံအကြောင်းအရာများနှင့်ပတ်သက်၍ပိုမိုသိရှိရန်နှိပ်ပါ