သမ္မာကျမ်းစာလေ့လာခြင်းချဉ်းကပ်ပုံ 

ဤစာအုပ်သည်သမ္မာကျမ်းစာထဲမှကျမ်းစောင်တစ်ခုချင်းစီကိုလေ့လာနိုင်ရန်အတွက် လမ်းညွှန်မှုပေးသည့်စာအုပ်အတွဲများအထဲ မှတစ်အုပ်ဖြစ်ပါသည်။ ဤစာအုပ်အတွဲများ၏ထူးခြားချက်မှာ အ​သေးစိတ်ဆင်ခြင်နည်း(inductive)ကိုအသုံးပြုခြင်းဖြစ်ပြီး ရိုးရှင်းသော ဦးတည်ချက်(၇)ခုဖြင့်သမ္မာကျမ်းစာကိုသမ္မာကျမ်းစာကဖွင့်ပြပြောဆိုစေခြင်းဖြစ်သည်။ ဤစာအုပ်သည်သမ္မာကျမ်းစာလေ့လာရန် စာအုပ်စာပေအရင်းအမြစ်အလွန်ရှားပါးသောတိုင်းပြည်တစ်ခုရှိ အသင်းတော်အဖွဲ့အစည်းများ၏တောင်းဆိုမှုအရဖြစ်ပေါ်လာခြင်း ဖြစ်ပြီး အင်္ဂ လိပ်စာမတတ်သူများအတွက်ကျမ်းစာလေ့လာရန် အလွန်ရှားပါးသောအရင်းအမြစ်များထဲမှတစ်ခုဖြစ်ပါသည်။ ကျမ်းစောင်တစ်အုပ်ချင်းစီကိုဂရုတစိုက်ဖြင့်တည်းဖြတ်ခြင်း၊ စမ်းသပ်ခြင်းများလုပ်ဆောင်ခဲ့သကဲ့သို့ အုပ်စုလိုက်လေ့လာသောအ နေအထားများတွင်လည်းအသုံးပြုခဲ့ပြီးဖြစ်ပါသည်။ ဤစာအုပ်အတွင်းပါဝင်သောအကြောင်းအရာများကိုလေ့လာသူအားလုံး လွယ်ကူစွာဖတ်ရှုနားလည်စေရန်အတွက် ဝေါဟာရများကိုအထူးရွေးချယ်အသုံးပြုထားပါသည်။ အရေးအကြီးဆုံးမှာ ဤစာအုပ် ၏ရည်မှန်းချက်သည် သမ္မာကျမ်းစာကိုလေ့လာခြင်း၏အသီးအပွင့်များကိုဖော်ထုတ်သည့် အသက်တာပြောင်းလဲရန်လက်တွေ့ လိုက်လျှောက်ခြင်းဟူသောဦးတည်ချက်(၇)ချက်ဖြစ်သည်။

ဤစာအုပ်များကိုတစ်ဦးချင်းအနေဖြင့်သော်လည်းကောင်း၊ အုပ်စုလိုက်အနေအထား၌သော်လည်းကောင်း ဆွေးနွေးခြင်းပါဝင်၍ မဖြစ်စေ၊ ဆွေးနွေးခြင်းမပါဝင်ဘဲဖြစ်စေအသုံးပြုနိုင်ပါသည်။ သခင်ဘုရားကိုစိတ်နှလုံးတံခါးဖွင့်လျက်ဤစာအုပ်ကိုအသုံးပြုလျှင် သင်၏အသက်တာ၌ဝိညာဉ်တော်၏အသီးကြွယ်ဝတိုးပွားမည်ကိုအာမခံပါသည်။ 

“အကြင်သူသည်ငါ၌တည်၍ ငါသည်လည်းသူ၌တည်၏။ ထိုသူသည်များစွာသောအသီးကိုသီးတတ်၏။” (ယော ၁၅:၅)